بيت حواء

اسعافات اوليه فى مطبخنا ياست البيت

كتبت منال محمد العبد

ونبدا مع لو عندك خضار وعايزة تحفظيه هاتى بكرة استرتش ولفى الخضار بيه كل انواع الخضار وحتى الفاكهة مفيش حاجة هتترمى

معالقك وشوكك لونهم مطفيين هاتى طبق فيه ماء ملى وملعقتين خل وملعقة صابون سائل وانقعيهم وبعد نص ساعة تشطيفهم وهتلاقيهم بيلمعوووا

لما تعملى عصير فراوله حطى ربع معلقة فانليا رهيبببب وادعيالى

عندك كوبيات شاى لونها اصفر اوعى ترميها تؤتؤ ماية ياختى وسائل صابون وملعقتين بيكربوناتووقلبيهم وانقعيهم وبفرشة اسنان شيلى اى سواد فى الكوبيات يامهلبية

الجو تلج ومحتاج حلة محشى تمام اقوالك بقه قبل ماتعملى المحشى حطى معلقة سمنة وملعقتين زيت فى الحلة وسخنيهم وحطى بقه ورقتين كرنب اخضر وشرائح بصل طماطم جزر قرن شطة حراق تصدقوا جعت

لما تيجى تقلى سمك بقا اوعى تحطى خل خلصى كل السمك وهاتى حلة وفيها ماية وحطى قشر ليمون او برتقال وسبيها تغلى كده هتلاقى شالت كل روائح السمك المقلي الاى عندك

اعملى برطمان كده حطى فيه دقيق وملعقتين فلفل وتلخبطيهم على بعض وتبقى بقه تغسلى بيهم الفراخ السمان الحمام وادعي لى

البرتقال كتير الايام دى رخيص هاتى واعصريه بالعصارة اليدوى ومن غير ماية وخزنى فى اكياس وعنيه لرمضان كل سنة وانتم طيبين

عند العطار بهارات اسمها بهارات محشى ريحتها رهيبة مكنت دماغى بقا وعرفت ومكونتها ايه بقه شبت وكسبرة وبقدونس ناشفين وكبيبة صينى ورشة بصل وتوم بودر انتى بقه هاتى الخضرة دى ونشفيها وتطحنيها وتلخبطيها عا البهارات الباقية دى وتحطيها فى برطمان وسمعونى احلى لايك من اديكم

كل يوم لما تخلص حاجتك هاتى بخاخة نصها ماية ونصها ديتول ورشى الحيطان والحيطان وسراميك المطبخ و الحمام مش هتلاقى اى حشرة

ابشرى قشر البرتقال وسبيه على ورقة ينشف وخزنيه فى برطمان بينفع والله

طبعا معظمنا خلصنا امتحانات بالنجاح يارب وعندنا بقه كمية كراسات وكشاكيل نصها لسه مكتبش فيها حاجة اوعى ترميها قصى الورق الفاضى واعمليه على هيئة كشكول او كراسة وديها اى مكتبة وتعملى منها كشكول جديد يكتب فيه بالبيت او يتحفظ بيه احنا ستات مصرين وجدعان

عندك شرابات قديمة تلبسيها فى ايدك ونظفي بيها يا سلام لو بقا الكمبيوتر واكباس النور كمان وادعي لى

قد تكون صورة لـ ‏‏شخص واحد‏ و‏نص‏‏

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى